Kalaaleq arnaq Danmarkimi toqungasoq nassaarineqarpoq
Kalaaleq arnaq marlunngormat ullaakkut, Slagelsemi ineriartornermikkut inortunut angerlasimaffimmit, Andersvængemit tammaaneqartoq, toqungasoq nassaarineqarpoq.
Skrevet af Elisa Isaksen
Andersvængemi sulisut arnaq 67-inik ukiulik ineriarornermigut inortuusoq, angerlarsimaffiup eqqaani ungalluni nassaaraat.
Arnap tumaasigut takuneqarsinnaavoq, angerlarsimaffiup eqqaani angalaqattaarsimasoq ilaatigullu najugaqartut sulliviinut isertarsimasoq.
Sooq arnaq anisimanersoq paasilluarneqanngilaq aamma suna toqqutigisimaneraa politiit erseqqissumik oqaatigisinnaanngikkallarpaat, taamaattorli silap issinnera imaluunniit nappaat toqqutigisimassagaa ilimagineqarpoq.
Arnap timaa nakorsat pinerlussimanermik paasiniaavianni misissorneqassasoq Sjællandske.dk-mit allaaserineqarpoq.