Meeraq qitiutillugu sullissisoqassaaq
Peqqissaavinni, atuarfinni, inunnik isumaginnittoqarfinni, meeqqerivinni politiinilu nunatsinni illoqarfinni amerlanerni nunaqarfiillu ilaanni meeqqanik qanimut sullissisuusut, meeqqanut sumiginnarneqarsimasunut tappinnerulernissaat anguniarlugu pikkorissartinneqarsimapput.
Pikkorissartitsineq Meeraq qitiutillugumik qulequtalik paasisitsiniaaneruvoq 2006 –mi Inatsisartut siunniussaat.
Jonna Klemensen, Narsami meeqqerisoq oqarpoq, pikkorissarneqaramik ilikkakkani suleqatiminut ingerlateqqilluarsinnaallugit, soorlu atornerlugaasimasut imaluunniit sumiginnakkat pillugit aamma Heidi Kielsen Narsami politeeq oqarpoq, meeraq qamani toqqortaqarsimappat timaasigut atuarsinnaalersimagitsik toqqortaqarneranik
Tarnip pissusaanik ilinniagalik Connie Gregersen pikkorissaanernut ukioq manna ingerlatsisussatut atukkiunneqarsimasoq oqarpoq.
Meeqqanut sumiginnagaasimasunik tappinnerulernissamik Inatsisartut neriuuteqarnerisut soorunami neriuutigalugu, meeqqat sumiginnakkat eqqumaffigineqarnerulernissaat, tassa ilisimaneqalissasoq qaqugukkut meeqqap sumiginnagaaneranik isiginnittut akuliussinnaalissanersut, nangipporlu:
- Naak ikiortissat atortussallu periarfissaritinneqanngikkaluartulluunniit taava qanoq iliortoqarsinnaava? Pissutsit taamaatsillugit aamma qanoq iliuuseqartoqarsinnaavoq aamma pisussaaffeqarpugut assersuutigalugu sumiginnagaasoqarneranik ilisimatitsissalluta. Tamakku tamarmik pingaaruteqartorujussuupput sullissisut ilaqutaasullu ajornartorsiortut akornanni suliap eqaatsumik ingerlanissaannut, taama nassuiaavoq tarnip pissusaanik ilinniagalik Connie Gregersen ulluni makkunani Narsami pikkorissaanermik ingerlatsisoq.
