Kinami præsident Hu Jintao pissaaneqarnerulissaaq
Kinami politikerit nuimanerit utoqqasaartaat pingasut Centralkomitemut qinigassanngortinngillat, taakkua ilagaat, vicepræsident Zeng Qinghong.
Tamatumalu kinguneraa, Kinami qullersat nuimanerit pingasut komitiimiikkunnaarnerannik.
Nutaanik inuusunnerusunillu præsident Hu Jintao atorfinititsinissaminik periarfissaqalissaaq. Komite-mi atorfiit sisamat inuttaqartinneqanngillat, ataaseq ukiormanna toqummat.
Præsident Hu pissaaneqarnerulissaaq, apeqqutaaginnalerpoq, qanoq atorniarneraa suniarnersoq, sunalu kissaatigineraa, kommunitsit aviisianni aaqqissuisuusimasoq Li Datong oqarpoq.
Kinami politikkikkut arnani nuimarpaaq 68-inik ukiulik Wu Yi, centralkomitemi komite-milu aamma ilaasortaajunnaarpoq.