EU-mi isumaqatigiissut nutaaq
Nunat EU-mut ilaasortat 27-usut ullaarmanna tallimanngornermi isumaqatigiissummik aalajangersaasimapput.
Skrevet af Elisa Isaksen
19. oktober 2007 06:47
Taanna EU-p qanoq naalakkersorneqarnissaanut siunnersuummut Frankrigimit Hollandimillu 2005-imi taasisitsinikkut itigartinneqartumut taartaassaaq.
Tamatuma kingunerissavaa, ukiut marluk qaangiuppata EU-p aalajangersimasumik siulittaasoqalernera aamma ataatsimoorussamik nunanut allanut ministereqalernera.
Tamatuma peqatigisaanik Europaparlamenti sunniuteqarnerulissaaq aamma aalajangeeriaaseq allanngortinneqassaaq.
Nunat ilaasortaasut 2014-imiit EU-kommissionimi aalajangersimasumik ilaasortaatitaqarunnaassapput, soorluttaaq naalakkersuinermut tunngasuni assigiinngitsuni naaggaarsinnaatitaaneq atorunnaarsikkiartuaarneqassasoq.
