Qamuteralatsillutik ajutoortut
Inuusuttut Ilulissaneersut marluk qamuteralannik ajutoorsimapput.
Sermitsiap nittartagaani tamanna atuarneqarsinnaavoq.
Angut 18-inik ukiulik niviarsiararlu 15-16-inik ukiulik Ilulissani qimussit aqqutaata ungataani nalasut arfininngornermi ullaakkut nassaarineqarput qamuteralannik ajutoorsimasut, qujanartumilli tamarmik annerusumik ajoqusersimanngillat, Ilulissani politiini pigaartoq Peter Juellund Sermitsiaq.gl-imut taama ilisimatitsivoq
– Marluullutik nassaarineqarput ullaakkut nalunaaqutaq qulingiluat qeqqa maannalu napparsimmavimmi uninngallutik. Inuusuttut taakku marluk suli apersorsinnaasimanngilagut, kisianni marluullutik ilaqutaat ilisimatinneqareerput, Peter Juellund oqarpoq.