Erik Bjerregaard konsulitut ivertinneqarpoq
Italiamiut aallartitaqarfianni Erik Bjerregaard pingasunngormat toqqarneqarpoq.
Skrevet af Mads Lynge
Hotel Arcticip Ilulissaniittup pisortaanerata Erik Bjerregaardip toqqarneqarneratigut Italiamiut Nunatsinni konsuleqalerput.
Internetikkut atuagassiaq Travel People nittartakkamini taama allaaserinnippoq.
Erik Bjerregaard konsulitut pingasunngormat toqqarneqarpoq, Italiamiut Danmarkimi aallartitaqarfiani toqqarneqarami.
Erik Bjerregaardip nunarsuarmi qeqertat annersaanni konsulitut sulerusunnera Italiamiut Danmarkimi aallartitaannit Roberto Di Leo-mit iluarisimaarutigineqaqaaq.
Konsulitut toqqarneqarnini Erik Bjerregaardip aamma nuannaarutigeqaa, ataqqinarpaluttumillu sulinissani neriorsuutigalugu.