Burmami inuit timerpassui ikuallanneqarput

Sakkutuut Burmami naalakkersuisut inuit timerpassuinik ikuallaasimapput, naak ikuallaavik taanna sakkutuunit nakkutigigineqartorujussuugaluartoq. Tuluit aviisiat Times taama allappoq.

Lastbiilerpassuarnik inuit timaannik ikuallaavimmukartuartunik takunnittut taama nalunaaruteqarput, aamma ikuallaaviup pujoorfii ulluni kingullerni pujortuarsimapput. Ikuallaaviup tungaanut aqquserngit sakkutuut aqqutigeqqusaajunnaarsissimavaat, inuilluunniit angerlarsimaffimminniit igalaakkut silammut alakkartertut aqqusinikkoortulluunniit sioorasaartalersimallugit. Mattuttut akerliussutsimik takutitsereermatali, tassa sapaatip akunnerata ataatsip missaata matuma siorna, inuit timaannik ikuallaanersuaq aallartissimavoq, inuilli qassit toqoriarlugit maannamut ikuallagaasimanersut isertuulluinnarneqarpoq.