Iranimiut ingerlaaqatigiipput
Illoqarfiit pingaarnersaanni Teheranimi inuit 10.000-inik amerlassusillit illoqarfiup qiterpasinnerusortaaniit Teheranimi Universitetip tungaanut ingerlaarput suaartaatigalutik: ”Israel atorunnaarsinneqarli!” aamma ”Amerika suujunnaarsinneqarli!”
Israelimut akerliuniarluni ingerlaaqatigiittarneq ukiut tamaasa pisartoq Iranimiut siuttuannit maanna toqoreersumit ayatollah Khomeini-mit aallartinneqarpoq, taassuma Irani islam naapertorlugu naalakkersorneqartoq 1979-imi pilersippaa.
Akerliussutsimik takutitsineq qaammammi iisinnginniarfimmi tallimanngorneq kingulleq atorlugu ingerlanneqartarpoq, ullorlu taanna Khomeinip Jerusalaap ulluatut suaarutiginikuuaa.
Iranip naalagaaffik Israel akueriumanngilluinnarpaa, soorlu Iranip massakkut præsidentia Mahmoud Ahmadinejad, oqarnikuuvoq Israel aserorneqassasoq.