Qaarusummiut tamarmik ajunngillat
Kuultisiorfimmi sulisut 3.200-t naalagaaffimmi Afrika Kujallermi nalunaaquttap akunnerit 24-t sinnerlugit qaarusummi mattussaaqasut ippassaq unnukkut tamakkerlugit ajunngitsut anisinneqarput.
Skrevet af Elisa Isaksen
05. oktober 2007 06:23
Qaarusummi sulisartut nukillaangaqisut, kaattut annannerminnillu nuannaarutiginnittut kuultisiorfimmi elevatorimiit anisinneqarput, elevatori pingasunngormalli ajutooqqagaluarpoq.
Naalagaaffiup Afrika Kujalliup aatsitassarsiornermut ministeria oqarpoq qaarusuit pisoqqat sulisartunut isumannaatsuunngitsut iliuuseqarfigineqassasut, isumannaatsuunissarlu pillugu nuna tamakkerlugu paasisitsiniaasoqassasoq.
Ajornartorsiutit pilerput ruujori naqitsinermut atorneqartartoq kittorarmat, aatsitassarsiorfimmullu isaarissamut nakkarnermigut elevatori ajoqusermagu. Ajutoorneq qaarusummiunik ajoqusiinngilaq, qaarusummili sulisut 3.200-uusut kilometerip aappaata affaanik itissusilimmit aniffissaarukkaluarput.
