Burmami paarnaarussat amerliartuinnarput
Burmami tusagasiuutit naalakkersuisunit aqunneqartut nalunaarput nunat allat naalakersuisuisa Burmap naalagaaffia nukillaartinniarsarigaat.
Rangoonip aqquserngini sakkutuut, unnuakkut aneqqusinnginnerup nalaani biilinik højtalerilinnik angalaartarput, inuit aneqqunagit qunusaarlugit.
-Akerliussutsimik takutitseqataasut assiliortorpavut, tigusariumaarpagullu, sakkutuut suaartartarput.
Sakkutuut kisermaassillutik naalakkersuisut inunnik akerlerisaminnik unnuat tamaasa paarnaarussisarput, unitsinniavissoraluarlugillu.
-Naalakkersuisut nunat allat avoqqaarinninerat soqutiginngilaat, allaammi mattuttut allallu upperisarsiortut saassutaralugit nukillaarsarpaat, Burmami demokrati malillugu ingerlatsilerusuttut oqaaseqartartuat oqarpoq.
Burmami demokratimik eqqussiniartut TV-kkut aallakaatitsisarfiata, The Demokratic Voice of Burmap Norgemiittup nalunaarutigaa, Mandalayimi akerliussutsimik takutitseqataasimasut ilinniarnertuunngorniat minnerpaamik 50-it, ukiuni tallimani suleruloortitassanngorlugit pillaatissinneqarsimasut.
-Naalagaaffiit peqatigiit aallartitaat Burmami naalakkersuisunik sunniisinnaasimanngilaq, sakkutuut qullersaat oqaannarsimammata Aung San Suu Kyi, demokratimik eqqussiniat tapersersorunnaarpagit naapikkusussinaallugu, FN-ip qullersaa Bankimoon oqarpoq.
