Congomi ajunaartut amerlassusaat suli ilisimaneqanngilaq
Afrikami naalagaaffimmi Congo-mi timmisartoq ullumi nakkarmat, inuit qassit ajunaarsimanerat pillugu nutaarsiassaqartitsiviit maannamut assigiingitsunik nalunaaruteqartarput inuit ikinnerpaamik 19-it ajunaarsimaneragaapput.
Skrevet af Oline I. Olsen
Naalagaaffiit Peqatigiit Congomi oqaaseqartartuat Michel Bonnardaeaux nutaarsiassaqartitsivimmut AFPimut oqaluttuarnera malillugu inuit 27-it ajunaarput,
tassalu timmisartumi ilaasut 25-it inuttallu marluk.
Timmisartoq Congop illoqarfiisa pingaarnersaannut Kinshasamut mikkiartortilluni, niuffaffiup eqqaanut nakkarpoq.
Nakkarnerup kingorna ikuallanneq qaminneqariarpat inuit qasserpiaat ajunaarsimanersut erseqqinnerusumik paasineqarumaartoq, Congomi Røde Korsip pisortaa Dominequi Lutula ritzauimut oqarpoq.