Isumalioqatigiissitaq ingerlaqqissaaq
Namminersorneq pillugu isumalioqatigiissitami sulinerup ingerlariaqqinnissaa pillugu ullaap tungaa Danmarkimi isumaqatigiissuteqarpoq.
Skrevet af Elisa Isaksen
Maanna ukiortaartinnagu suliassap naammassineqarnissaa neriuutigineqalerpoq.
Siulittaasoqarfimmut ilaasortat nunatsinneersut tassaasut Jonathan Motzfeldt aamma Kuupik Kleist aamma danskit ilaasortaatitaat Christian Mejdahl aamma Frank Jensen ataatsimeereerlutik ataatsimoorlutik oqaaseqaateqarput.
- Suliassap naammassiniarnissaanut qanoq ingerlariaqqittoqassanersoq oqaloqatigiissutigilluarparput, siulittaasoqarfimmiit taama oqartoqarpoq.
Namminersorneq pillugu isumalioqatigiissitani ilaasortat tamarmiullutik decembarip aallartilaarnerani ataatsimeeqatigiissapput.