Søren Alaufesen: Kommunit piffissaq eqqorlugu kattussuutissapput

Kommunit kattussuussimassapput ullumimiit ukiup aappaa avillugu qaangiuppat. Kalluagassallu angisuut suli qaqilerlugit allartinneqanngikkaluartut kommunit kattuffiani siulittaasup Søren Alaufesenip kattussuunnissanut ataqatigiissaarisut isumaqatigalugit oqarpoq piffissaq eqqorneqarumaartoq. Søren Alaufesen oqarpoq akisussaaffinnik suliassanillu kommuninut nuussinissaq kattussuunnissani tunngaviusumik pingaaruteqarluinnartoq. Maannamulli kommuninut nuutassat suli tulleriiaarneqanngillat qaqilerneqaratillu, Søren Alaufesenili oqarpoq naalakkersuisut siulittaasualu isumaqatigiissutertik naapertorlugu kattussuussinerup ingerlanissaa piumaartoq. – 2009-mi januaarip aallaqqaataa tikitsinnagu qaqiligassat qaqilerneqarsimassapput nuutassallu 2013-mi pereersimassapput, Kalaallit Nunaanni kommunit kattuffiani siulittaasoq Søren Alaufesen oqarpoq.