Issittup nerlia nungutaanissamut ulorianartorsiorpoq
Issittup nerlia nungutaanissamut ulorianartorsiorpoq, taamaattumik nunarsuatsinni uumasunut eqqissisitaasunut ilanngunneqartoq, nittartakkami sikunews.com-imi taama allaaserinnittoqarpoq.
Nunarsuatsinni uumasunut eqqissisitaasunut suliniaqatigiiffiup, World Conservation Union-ip, issittup nerlia uumasunut eqqissisitanut ilanngutitissimavaa. Nunarsuatsinni uumasut eqqissisitaasut manna 41.414-inik amerlassuseqarput.
Issittup nerleri imaluunniit latiinerisut taaneqartartut Branta ruficollis, ikileriarujussuarsimapput – tamatumunngalu suna pissutaanersoq ilisimaneqanngilaq.
Nerleq taanna aasakkut Ruslandimi piaqqiortarpoq ilaatigullu Bulgariamut aamma Ukrainemut ukiiartortarluni. Tamaani neriniartarfii innarlerneqarsimapput tamakkulu pissutigalugit ikileriarsimasinnaallutik.