Amerikamiut Kangia Qiterlermi nutaamik sakkutooqarfiliorusupput
Sakkut Iranimeersut Irakimi pikitsitsisunut eqqussorneqartuarnerat Amerikamiunut nukillaarsaataaqimmat killeqarfiup eqqaani Amerikamiut sakkutooqarfiliornialersaartut Wall Street Journalimi allaaserisami atuarneqarsinnaavoq.
Iranimiit Irakimi sakkutooqatigiinnut shiamuslimiusunut sakkunik nutaaliaaqisunik eqqussuineq sakkutooqarfiliariniarneqartumit killilersimaarniarneqarpoq.
- Sakkutuut illersoqatigiit ikiortaasalu Irakimiut akeqqaminnik akornusiiniartuarnertik ingerlatiinnassavaat, soorlu pilersorneqarnerannut aqqutit tamaasa matoorarlugit, tamatumuuna peqqarniitsuliornerit unitsinniarlugit Irakimiullu toqqissisimanerulernissaat anguniarlugu, Pentagon-imiit oqaaseqartartoq, Jonathan Withington taama oqarpoq. Taassuma killeqarfimmi sakkutooqarfiliornissamik pilersaarutit oqaaseqarfigerusunngikkallarpai.
Taamaattorli Amerikamiu sakkutooqarfiliornissamut akisussaasoq, Toby Logsdon oqarpoq sakkutooqarfik novembarimi piareersimassasoq, taamanikkussamullu 200-nik sakkutuuliisoqarumaarpoq.
Iranimiut anngiortumillu eqqussuisut qanoq iliornertik eqqarsaatigilluartariaqalerpaat, Logsdon oqarpoq.
