Aalisarnermut Naalakkersuisoqarfiup aalajangerpaa Sisimiut eqqaanni Ikertuup paavata avataaniittumi dybetimi 15. augustimiit 31. oktober ilanngullugu saattuarniarneq ammaanneqassasoq.
Ikertuup paavata avataaniittoq dybet ukiuni kingullerni aalisagaarunnera pissutigalugu matuneqarpoq.
Saattuaqassuserli ilorraap tungaanut ingerlavoq. Taamaattumik Aalisarneq pillugu Siunnersuisoqatigiit siunnersuutigaat Ikertuup paavata avataaniittumi saattuarniartoqaqqilissasoq. Taamaattorli piumasarineqarpoq, saattuat qaleruaasa sanimut silissusiat 115 millimeteri ataassimassanngikkaat aamma pullatini ataatsini pisat agguaqatigiissillugit ikinnerpaamik 6 kiiluussasut.
Ikertuup paavata avataani dybet-imi saattuat annerpaamik 350 tonsit pisarineqarsinnaassasut.
