Partiip Venstrep tapersersortai ikiliartuinnavipput
Partiimik Venstremik tapersersuisut ikiliartuinnavipput. Inunnik isumasiuisarfiup Zapera-p isumasiuinerata tamanna takutippaa. Zapera aviisi MetroExpress sinnerlugu inunnik isumasiuisimavoq.
Folketingimut ullumi qinersisoqartuuppat inuit tallimaagangata ataaseq partiimik Venstremik qinersissagaluarpoq, Venstre 21,3 procentinit qinerneqassagaluarami.
Pisortani atorfillit aningaasarsiaasa pillugit aningaasaqarnermut ministerip Thor Pederseni sapaatip akunnerata siuliani saqqummiussereersorlu Zapera inunnik isumasiuivoq.
Thor Pedersenip saqqummiussinnginnerani inunnik isumasiuisartut Catinet-meersut isumasiuipput Venstrelu 26,1 procentinit taaguunneqassagaluartoq paasinarsivoq.
Folketingimut 2005-imi qinersisoqarmat Venstre 29,1 procentinit taaguunneqarpoq.
