Timmisartumik angallannermi ajornartorsiornerit ilaasussaagaluanut isumalunnaannaratillu uippakajaartitsiinnarneq ajorput. Air Greenlandimi aaqqiagiinnginneq Narsarsuarmi takornariartitsivimmut Blue Ice Explorerimut ulapinnerulernermik kinguneqartoq, piginnittoq Jacky Simoud oqaluttuarpoq:
- Maanna iluatsitsivugut, tassami timmisartorsuaq nunnereerpoq, hotelimullu inissittussat tikipput.
Qulimiguulik Narsaliarsinnaananilu Qaqortuliarsinnaanngimmat, illoqarfinnut taakkununnga ingerlaqqittussat imaatigut angallanneqarput.
- Aamma sapaatip akunnerani kingullermi aaqqiagiinnginnermik pissuteqanngitsumik, tassa silamik pissuteqartumik takornariat ullut marluk pingasulluunniit Air Greenlandip akiligaanik maaniitinneqarmata ulapputigaavut.
Tamatumunnga atatillugu uninngaannassanngimmata Qassiarsummut Sermilimmullu angalaarunneqarnissaat aamma isumagaarput. Jacky Simoud .
Apeqqutigineqarmat Blue Ice Explorimi sulisut qassiunersut Jacky Simoud oqarpoq aasaanerani 20-t missaanniittunik sulisoqartarlutik.