Inuit Piscomit allamut noorarput
Sapaatip akunnerani kingullermi Perumi nuna sajorujussuarmat Perup kitaaniittoq illoqarfik Pisco piuneerutsinneqarpoq, tamatumalu kinguneraa maannakkut illoqarfimmi tassani innuttaasut illoqarfik najugarisimasartik qimallugu allamut nussulersimammata.
Perumi naalakkersuisut pingasunngormat taama ilisimatitsipput.
Piscomi innuttaasut 50.000-it illoqarfimminni illutik aserorsimasut qimallugit allamut nussorput. Perumi isumaginninnermi ministeri oqarpoq, Piscomi innuttaasut 30–40 procentii allamut nuuttariaqarsimasut.
Nuna sajunngikkallarmat illoqarfik Pisco 130.000-nik innuttaqarsimagaluarpoq. Pisortatigoortumik nalunaarutit malillugit inuit 540-it nunap sajunnerata kingunerisaanik ajunaarsimapput, Piscomilu illut 85 procentii aseruatitersimapput.
Inuit Piscomi amiakkuulersut illut aseruatitersimaqisut akornanni inuillu ajunaarsimasut timaasa suli qaqinneqanngitsut qarmassiat akornanni tipersuup ataani inuusariaqarput.