Ilinniagartooq amerikamiu Iranimi maajip qaammataanili parnaarussaaqqasimariarluni Iranip oqartussaasuinit ullumi iperagaavoq.
67-inik ukiulik Haleh Esfandiari kilitsissiatut sulisimasutut parnaarussaaqqasimagaluarpoq. Taanna Iranip illoqarfiisa pingaarnersaannut Teheranimut maajimi aallarsimavoq arni 93-inik ukiulik tikeraarniarlugu.
Qularnaveeqqusiussat 1,7 milliardi koruunit akilerneqareersullu Esfandiari iperagaavoq. Iranimi naalagaaffiup nutaarsiassaqarfia Isna taama allaaserinnippoq.
Iranimi palasit naalakkersuinerat amerikamiut peqatiginiapilullugit Esfandiarimit uppisinniarneqarsimasut Iranip oqaatiguarsimavaa, amerikamiulli tamanna akerlilertuarsimavaat.
