Danskit nunanut allanut ministeriaqarfiata danskit takornariat kajumissaarpai Mexiciliaqqunagit. Taama kajumissaarineq pivoq, Mexicomi anorersuarujussuaq Deanimik taaguutilik sakkortoorujussuanngornissaa ilimagineqarmat.
Ataasinngornermi anorersuarujussuup sakkortunerpaaffik 5-i anguppagu, Mexicomi illoqarfimmut Yuacatánimut anngussimassaaq, illoqarfimmilu aseruatiternerujussuaqarnissaa ilimagineqarpoq.
Yuacatánimi takornariarpassuaqartarpoq, tassanilu sissat takornarianit ornigarneqarluartarlutik.
Anorersuarujussuaq maannakkorpiaq Caribiap nalaaniippoq, sakkortussusaalu 4-miilluni. Maannamut inuit arfinillit anorersuarujussuarnerani ajunaareerput.