Savalimmiuni sialussuaarmat Festival taamaatiinarpoq
Savalimmiuni illoqarfiit pingaarnersaasa tullianni, Klaksvigimi nipilersornissarsuugaluaq, nipilersortartunit tusaamasarsuarnit peqataaffigineqartussaagaluaq, sialussuarnera kaavittuliorlunilu anorersuarnera pissutigalugu taamaatiinnartariaqalerpoq. Nutaarsiassaqartitsivik Rotzau taama ilisimatitsivoq.
Tupeq nerisassaasivik, nerriviit issiaviit, nerisassat, imeruersaatissat allarpassuillu teqqarsimapput.
Ilaatigut peqataasussaagaluarput Scorpions, Kim Wilde aamma Bryan Rice. Toqqilli tusarnaartitsivissallu nakkaattoornissaat ernummatigineqarmat tusarnaartitsinissat taamaatiinnarneqarput.
Scorpions’-ikkut tusarnaartitsivissaat qulliillu sialummit aamma pitarneqarsimapput, nipilersuutillu annaanniarlugit maanna ulapputtunnguaqarpoq.
Aasaanerani tusarnaartitsinissarsuarmi aaqqissuisut maanna sulissutigaat tusarnaartitsinerit ilaat Klaksvigimi Timersortarfimmi ingerlanneqarsinnaanersut.
Nutaarsiassaqartitsivik Ritzau naapertorlugu, Savalimmiuni silarlussuarnerani annertunerusumik ajoqusertoqanngilaq.
