Silaannarsualiartitsineq taaguuteqartinneqarpoq Phoenix-missionen, silaannarsuartaatillu inuttaqanngitsup ullorissap Marsip issittortaanukassaaq, tamaani silaannaq uuttortarneqassalluni. Silaannaap uuttortarnissaanut atortussat silaannarsualiartaatip nammineq nassarpai.
Atortorissaarutit ilaat danskinit sanaajupput. Phoenix-missionimi atortorissaarutissat ilisimatusartut 30-t Københavnimi Århusimilu Universitetineersut ukiuni kingullerni pingasuni piviusunngortissinnaasimavaat.
-Marsip qeriuaannartortaani arlaannik uumasuaraqarnersoq, tassa tappiorannartoqarnersoq, misissorniarneqarpoq, Niels Bohr Institutimi lektori, Morten Bo Madsen, Danmarks Radiomut oqarpoq.
Silaannarsualiartitsineq USA-mi Floridami, Cape Canaveralimiit, ullumi pivoq. Silaannarsualiartaat qaammatit qulingiluat missaat qaangiuppata Marsimut apuutissaaq.