Parlamentimut qinersineq ullumi Tykiiami ingerlanneqartoq pissanganarluinnartumik ingerlasimasoq ritzau allappoq.
Qinersinermi taasiartorsimasut 85 procentiisa kisinneqarnerini kisitsisit takutippaat partii siuttooreersoq konservativiusoq AKP, 48- procentit missaannik taaneqarsimasut.
Siusinnerusumi ilimagineqarsimagaluarpoq, taasisut affaat AKP-mut taasissasut, taamaasillutillu kisermaassillutik naalakkersuisunngorlutik. Kisitsinerulli ingerlanerani taama isumaqarneq allanngorsimavoq.
Qineqqusaarnerni illuatungeriipput, musliimit illuanilu uppertuunngitsut, sekulær elite-nik taaneqartartut.
AKP-p ajugaanerani Tyrkiiami politikkikkut siuttut tassaalerput musliimit. Tyurkiiami innuttaasut 74 millionit akornanni Parlamentimut qinersinermi inuit taasisinnaasut 43 millioniupput.