Kalaallit Nunaanni partii annersaq immikkut ittumik Qaqortumi Puilasumi 28. juli ataatsimeersuartussanngorpoq. Siumup siulersuisuuneri ataatsimeersuartinneqassapput partiip malittarisassai nuna tamakkerlugu kommunerujussuarnut qinersineqannginnerani nalequssarniarlugit.
- Malittarisassat inatsisillu naleqqussarlugit siulersuisuunerit immikkut ittumik ataatsimiisinneqassapput, siumup aaqqissuusaanermut allattaa Jenseeraq Poulsen radioaviisimut oqarpoq. Siulittaasumik taarsiinialernermut tusatsiakkat eqqortuunnginnerarpai.
Siulersuisuunernut qinersineq ukiup tulliani aatsaat ingerlanneqartussaavoq, uani ataatsimeersuarnermi qinersineqarnavianngilaq Jenseeraq Poulsen oqarpoq.