Alan Johnston iperagaatinneqarpoq
Tuluit Nunaanni ullaaq manna nuannanneqarpoq. TV-qarfissuup BBC-p tusagassiortua Alan Johnston musliminit ingasaassiniartunit qaammatini sisamangajanni Gazami tigusaaqqareerluni ullaaq iperagaatinneqarpoq, Hamas-ikkunnullu tunniunneqarluni.
Eqqarsartaatsini ullut tamaasa suliarisariaqartarlugit Alan Johnston oqaluttuarpoq:
- Taamatut misigisaqartinnera sianissutsinnut sakkortoqaaq, stress-ernaqalunilu, Alan Johnston tusagassiortunik katersortitsinermi oqarpoq.
Qaammatini sisamangajanni tigummineqarnermini toqutaanissamik siorasaarneqarneqaqattaarsimavoq.
Alan Johnstonimik tigusarinnissimasut Hamas-ikkunnilu ingasaassiniartartut toqutaanissaannik muslimit palasiisa ataqqineqartut ilaat piumasaqaateqareersorlu Alan Johnstonip iperagaanissaa aalajangerneqarpoq. Iperagaatinneqannginnermi siuninnguani Alan Johnston persuttarneqarpoq.
Alan Johnston Islamip sakkutuuinik imminut taagortunit marsip ulluisa aqqaneq-aappanni aallarunneqarpoq.