Qeqertaaqqat Unammiuaarnerat, Island Games, Grækenlandimi Rhodosimi aallartippoq.
Nunatta peqataatitai timersortarfimmut iseriartoqataapput, unamminerilli ullaarli aallartereerput.
Isikkamik arsarluni unamminerni kalaallit arnartai ullaaq unammipput, Unammiuaarnerni aaqqissuisut Rhodos unammineqarmata.
Kalaallit unammillualaavipput Rhodos 5-0-imik ajorsartinneqarmat.
Unamminerup immikkoortua siulleq naammassimmat Kalaallit Nunaat 2-0-imik siuaqqavoq.
Pilunnguaq Chemnitz marlunnik ajuuppoq, Pilunnguaq Magnussenilu assinganik iliorluni. Marie Louise Broberg ataatsimik ajuuppoq.
Nunatta isikkamik arsarlutik nunanut allanut unammisartuisa aqagu unammeqqissapput, tamatumuuna Åland unammineqassalluni.
Nerrivimmi arsaararluni unamminerit aqagu aamma aallartissapput.
