Angut Nuummi inissiani aallaasersorsorineqartoq
Skrevet af Mads Lynge
05. juni 2007 06:29
Nuummi inissiat ilaanni Ceresvej-imiittumi angut aallaasilisarluni arnamik ippassaq qunusaarisimammat politiit orniguttariaqarsimapput.
Angut 65-inik ukiulik Blok K-milu najugalik, politiinit tigusarineqarpoq.
Arnap angut nalunngisarisimavaa, angullu tigusarineqartoq aalakoorsimalluni.
Tamanna pissutigalugu angut killisiorneqarsinnaasimanngilaq, inatsillu tunngaviusoq naapertorlugu killisiorneqassanersoq politiit kingusinnerusukkut aalajangerumaarpaat.
Angut aallaariarsimanngilaq, politiinullu tunniutiinnarsimalluni.
