Kalaallit Nunaanni ullumikkut sooq erfalasoqarnera eqqumiigigukku, soorlu Nuummi bussit erfalasoqarlutik angalaarput, pissutaasoq naggasiutigalugu oqaluttuarisinnaavarput. Tassaana Kunngissaq Frederik ullumikkut 39-liisoq.
Inuuissiornini Kunngikkormiut umiarsuaanni Dannebrogimi ilaquttanilu nalliuttorsiorpaat, Dannebrog ullumikkut 75-iliivoq.
Københavnimi Toldbodenimut apuukkamik kunngissap ernini Christian kissumiarpaa, nuliatalu Maryp prinsessearaq liftimiitillugu, Toldbodeminngaaniit angallammik Kunngikkut umiarsuaannukaanneqarput.
Dronning Margrethe uialu prins Henrik Dannebrogimi ulloqeqqasioqatigaat.
Dannebrog Danmarkip imartaani imavissuarnilu allani ukiuni 75-ini atuunnermini katillugit 1.500-eriarluni angalasimavoq. Tassa sømilit 300.000-it, imaluunniit nunarsuarmik kaajallaanerit 14-it.