Aamarsuarsiorfimmi Sibiriamiittumi gassimik ippassaq qaartoortoqarmat inuit 38-t ajunaarput.
Qaammatialunnguit ingerlanerinnaani aappassaanik qaartoortoqarmat, nunap ilaani aamarsuarsiorfimmi najugaqartut aalianangaartumik eqqugaaqqipput.
Jubijlejnajap aamarsuarsiorfiani Kemerovomi, Siberiap kitaa’tungaaniittumi, qaartoortoqarmat inuit 217-it qaarusummi sullissimapput.
Jubijlejnaja-mi qaartoorfik ukioq qaartoorfiusumiit 40 kilometerinik ungasissuseqarpoq, qaartoornermilu siullermi inuit 110-t ajunaarput.
Ukioq qaartoorneq Ruslandimi qaarusunni piiaasarnerni ajutoornerit annersaraat Sovjetunioniusimasoq atorunnaarmalli, ajutoorujussuartoqarnerata kingornatigut Moskvami naalakkersuisut misissuisussanik ataatsimiititaliarsuarmik pilersitsipput, qaarusunnilu isumannaallisaaneq ajorluinnartoq taamani uparuarneqarpoq.
Annaassiniartussat akunnialunnguit matuma siuninnguatigut annaassiniarnissaq taamaatiinnarpaat, maqaasineqartut tamarmik nassarineqarsimammata.