Ikinnerpaamik inuit 50-it toqutaapput, biili atorlugu qaartartuliaq ullumi Irak-imi illoqarfiit pingaarnersaanni Bagdadimi qaartartoq qaartinneqarmat. Aamma Amerikamiut sakkutuui pingasut peqqarniisaarnianit Al-qaeda-meersunit aallarunneqarsimasut, tusarfiginissaat utaqqineqarpoq.
Lastbiili qaartartumik usisoq, kurderit partiiata allaffianut aporiaatigaluni qaartartumeerimmat, inuit 50-it toqutaapput, allallu 70-it ikilerneqarlutik. Toqutaasuni ilaavoq Makhmur-imi borgmesteri.
Bagdadimi sumiiffimmi allami qaartartoq alla qaartinenqarmat inuit 17 ajunaarput allallu 46-ut ikilertiterlutik.
Al-Qaedameersut nalunaarput arfininngormat sakkutuunut saassussinermi Amerikamiut sakkutuui pingasut tigusarisimagitik sakkutuullu allat tallimat toqunneqarsimasut.
Amerikamiut sakkutooqarfianit nalunaarutigineqarpoq, sakkutuut 4000-it maannakkorpiaq Bagdadip kujasinnerusortaani sakkutuunik tammaaneqartunik ujaasitinneqartut.