Peqqarniisaarniat Amerikamiunut Tyskland-imiittunut saassusseriaannaapput
Unnukkut tyskit amerikamiullu oqartussaatitaasa nalunaarutigaat, Tyskland-imi peqqarniisaarniarluni saassussisoqariataarsinnaasoq. Taamaattoqariataar-sinnaaneralu pillugu Tyskland-imi sillimaniarneq annertusineqarsimasoq, taama berlingske.dk-miit allaaserinnittoqarpoq.
Qunutitsineq annertoorujussuuvoq. Musliminit ingasatajaarlutik upperisalinnit nunarsuaq tamakkerlugu qunutitsinikkut eqqugaasimavugut, taama oqarpoq, tyskit naalagaaffimmi ministeriat, Wolfgang Schäuble, amerikamiut tv-qarfiannut ABC-mut.
TV-qarfissuarmit tusarliunneqartut malillugit amerika-miut sakkutuui kiisalu amerikamiut takornariat peqqar-niisaarnianit ajortumeerniarneqarput.
Ilaatigut amerikamiut sakkutuuisa qullersaqarfiat Stuttgart-imiittoq saassunneqarnissaminit ulorianartor-siorpoq, amerikamiut naalakkersuisoqarfiani tusarfiit tutsuiginartut taama paasissutissiipput.