Tuluit nunaanni innuttaasut tallimat, al-qaeda-mut attuumassuteqartinenqarlutik, peqqarniisaarniarlutik pisiniarfissuarnik, qimuttuitsoqarfinnik, neriniartarfinnik imerniartarfinnillu qaartartumeersisarnissanik pilersaaruteqarsimasutut eqqartuussivimmut sassartinneqarneramik peqqarniisaarniaasutut pisuutinneqarput.
Angutit taakkua tallimat, Pakistanimi peqqarniisaarniartarnissanut pilersaaruteqarnermut pikkorissartinneqarsimasut Ritzau allappoq.
2005-mi tuluit nunaanni inuit 52-it toqussutigsaannik bussinik qaartitsisoqarnerani, peqqarniisaarniat taakkua maannakkut pisuutinneqartut, bussinik qaartitsinernut attuumassuteqartinneqarput.
Nunamik naggorissaatit atorlugit qaartartuliat 600 kilot qaartitsissutissatut peqqarniisaarnianit sanaartorneqarsimapput.
Peqqarniisaarnianik pasillilerneq 2004-mi pivoq, taakkualu 2004-mi tigusaareernerisa kingorna, London-imi bussinik qaartitsinerit pipput.
2001-mi USA-mi illorsuarnik world Trade Centerinik qaartitsinernut, Tuluit nunaata USA-mut tapersersuisimanera akerlilerniarlugu peqqarniisaarniat qaartartumeerisarnissanik pilersaaruteqarsimaneragaapput.