Qunusaarinissamik neqerooruteqarsimagaluarput
Tuluit sakkutuuisa umiartortut 15-it Iranimiunit tigummineqarallarmata USA-p Iranimik qunusaarinissani neqeroorutigisimagaluarpaa.
USA-p illersornissamut ministereqarfiani Pentagonimiittumi allattorsimaffiit takutippaat. Tuluit aviisiat The Guardian taama allappoq.
Pisoq pillugu tamaviaarunninnertik takutikkumallugu Iranimiut sakkutooqarfiannik qulangiuaarinissartik amerikamiut sakkutuuisa piareersimaffigisimagaluarpaat.
Tuluilli itigartitsisimapput, USA-lu Persiap Kangerliumanersuani sakkutuunik sungiusartitsinera unitsinneqarnissaa piumasarisimallugu.
Tuluit sakkutuuisa umiartortut 15-it pingasunngormat iperarneqarput Tuluillu Nunaannut maanna utereersimalerlutik.