Qaanaami pikkorissartitsineq peqataaffigineqarluartoq
Qaanaami inuusuttut siunissaq pillugu pikkorissartitsinermik misilittagaqarluartunit Orto Ignatiussenimit Karen Littauer-imillu qaammatit aappassaa pikkorissarneqarput. Hiuniggara / Min Fremtid qulequtaralugu suliniut meeqqanit inussuttunillu hundredet arlaqartunit peqataaffigineqarpoq. Suliniarnerlu sinerissami ingerlanneqareersut tallimassaraat.
Orto Ignatiussen suliniutertik pillugu ima oqarpoq:
-Tassa isiginnaartitseriaatsimik isiginnaartitsisinnaanernullu tunngatillugu inuit inerikkiartortut ammasorujussuanngortarput, taavalu imminnut tatiginnginnerat millisorujussuusarluni. Inoqatiminnut takutitsigaangamik imminnut tatiginerujussuanngortarput, taavalu atuarnerminni malinnaaniarnerat iluaqutaasarluni.
- Pikkorissaqataasut aamma ajornartorsiutitik qaangeriartorsinnaalertarpaat, neriuutigilluinnarparpullu pikkorissartut namminneq ingerlatitseqqikkumaartut.
Orto Ignatiussen oqarpoq aamma Qaanaami suliartik allanit oqimaannerusimasoq, innuttaasut matoqqanerusutut malunnarmata.
- Kisianni ammariartornerat malunnarsereerpoq. Neriuppungut maanngaanniit aallartutta pikkorissaqataasut angajulliunerusut ingerlatsilerunaaraat. Neriuutigilluinnarparput taanna.
Orto Ignatiussen aamma oqarpoq, meeqqanut mikinernut isiginnaartitsillutillu utoqqaat illuanni aamma sammisassaqartitsillutik.