Peqqissaasut akisuut
Nunavumi peqqissaasut pillugit pilersaarusiaq akisoqisoq Nunavumi naalakkersuisunit taamaatiinnarneqartariaqarsimavoq.
Kukkusumik pilersaarusiortoqarsimasoq Nunavumi naalakkersuisut oqarput, Nunavumi oqartussat iluamik piareersaasimanngimmata taamatut pisoqarsimasoq, isornartorsiuisoq Nunatsiaq News-imut oqarpoq.
Peqqissaasut Indiameersut Filippinerininngaanneersullu tikisinneqartarsimapput, tikisitsisarnerillu 5 millioni koruuninik naleqarsimallutik.
Peqqissaasutut sulinissartik pillugu tikisitat atuartinneqarsimapput, ilaasalu angusinngitsoortarsimallutik.
Peqqissaasutut sulisut suleqatiminit aamma mittatigineqartarsimapput. Tamanna pillugu peqqissaasunik tikisitsisarnerit Nunavumi naalakkersuisunit taamaatiinnarneqarsimapput.
- Iluamik pilersaarusiorsimasussaagaluarput, isornartorsiuisoq atersineqanngitsoq Nunatsiaq News taama oqarpoq.