Suliffissaaleqisunik meeqqallu atuarfiinit anisimasunut unittooqqasunut pikkorissaanissamut aningaasat 3 millioni koruunit immikkoortinneqarput. Tassungalu atatillugu Demokraatit siunnersuutaat, tassalu aatsitassarsiornermi sulisinnaasunik ilinniartitseqqinnissamut aningaasat taakkua illikartinneqassasut, naalakkersuisooqatigiinnit itigartinneqaraluarpoq. Kingusinnerusukkulli Siumut, Kattusseqatigiit Attaviitsullu tapersiimmata, Demokraatit siunnersuutaat ataatsimiititaliamut ingerlateqqitassanngortineqarpoq.
- Siunnersuutiga naalakkersuisunit itigartinneqaraluarpoq, qujanartumilli Demokraatit, Siumut, Kattusseqatigiit Attaviitsullu tapersersuimmata, siunnersuut ataatsimiititaliamut ingerlateqqitassanngortinneqarpoq. Taamaammat neriuppunga partiit allat paasinninnerusumik tigusillutik piviusunngortitsinissamut suleqataajumaassasut.
Demokraatit siulittaasuat Per Berthelsen taama oqarpoq.