Ukioq manna aatsaat taama kiatsigaaq

Silap pissusaa ukiut untritillit sinnerlugit matuma siorna ataqatigiissumik aaqqissuussaasumik misissorneqartalermalli, ukioq manna ukiuunerani nunarsuaq tamakkerlugu aatsaat taama kiatsigisimavoq.

USA-mi naalagaaffiup silasiorfia, nunarsuarput tamakkerlugu silap qanoq inneranik malinnaasoq, ilisimatitsivoq, silaannaap kissassusaa 1880-imi aallartinneqarmat, immap silaannaalu siorna decembarip ukioq-mannalu februaarip qaammataasa akornanni aatsaat taama kissartigisimasoq.

Tassa ukiuni 2000-ikkunni kissassuseq decembarimiit februaarip tungaanut ataqatigiissillugu agguaqatigiissillugu 0,72 procentimik annertunerusimavoq.

Tamanna Europamut, Asiamut, Afrikap kippasissuanut, Brasiliap avannamut kangisissuanut USA-llu aamma avannamut kangisissuanut atuussimavoq. Saudi-Arabiami USA-llu qiterpasissuani taamaallaat nillernerulaaminersimavoq.

Tassa silaannaap kissatsikkiartornerata sivisuumik ingerlasimaneranut silasiorfiup pissutaatippaa el niño-p Manerassuarmi sunniutaanik taaneqartartoq.

Ukioq mannamut sanilliullugu ukiup kiannerpaaffiup tulleraa 1994-imi ukioq, ukiullu qulit kiannerpaat 1995-imiilli uuttorneqareersimapput.