AG-mi sulisut affaat pualluummik tuberkolose-mik tunillatsissimammata nakorsaasersorneqartut, AG allappoq.
Sulisut ilaata TB-qarluni ukioq kingulleq napparsimareernerata kingorna, suleqatai arfineq-pingasut tunillatsissimagunarput.
Dronning Ingrid-ip napparsimmavissuani tuberkuloseqarnermut immikkoortortaqarfiup erseqqissaatigaa, AG-mi sulisut TB-mik tunillaassuisinnaanngimmata. Tuberkolose aatsaat tunillaassuutilertarpoq, tunillanneqarsimasoq tuberkolose-mik napparsimaleraangat.
Inoqassuseq aallaavigalugu, Kalaallit Nunaanni tuberkolose-lertartut nunarsuarmi amerlanerpaajupput.
Tuberkolose akiorniarlugu akiuussutissamik katsorsarneqartarneq ukiup affaani ingerlanneqarsinnaasarpoq.