Tasiilami meeqqat angerlarsimaffiat aningaasanik tunissutisivoq

Tuluit Nunaanni, Londonimi, kalaallit ulluanik taasamik aaqqissuussisoqarnerata kinguneranik, Tasiilami meeqqat angerlarsimaffiat 30.000 koruuninik tunissuteqarfigineqarpoq.

Aaqqissuussineq sisamanngornerit pingasut ingerlanneqarmat inuit 140-t aggersimapput,

Kalaallit Nunaanni pisartut ilaatigut takuneqarsinnaallutik, aamma kalaallit nerisassaataat misilinneqarsinnaasimapput.

- Aningaasat isertitat misissoreerlugit, paasivarput, Tasiilami meeqqat angerlarsimaffiannut 30.000 koruunit tunniussisinnaallutigik, aaqqissueqataasoq, umiartortunullu palasitut atorfilik, Ronald Pedersen oqarpoq.

Tuluit aappariit aamma neriorsuisimapput, meeqqat angerlarsimaffianut assilianik tunissuteqassamaarlutik.

Inatsisartuni siulittaasoq, Jonathan Motzfeldt, qaaqqusanut akimanernut ilaasimavoq, ilaatigullu aamma oqalugiaateqarsimalluni.

Kalaallit nerisassaataanik misiliisinnaanerup saniatigut, eqqumiitsuliortoq Tue Christiansen, eqqumiitsuliaalu takuneqarsinnaasimapput, filmilu, Qaamarnup Uummataa, aamma takuneqarsinnaasimalluni.