2012--imi aatsaat inatsisiliuunneqarsinnaapput
Kikkulluunniit tarnip pissusaanik immikkut ilisimasallit suliaannik nunatsinni suliaqarsinnaapput. Tamannalu ajornartorsiutaavoq, pingaartumik tarnip pissusaannik immikkut ilisimasalittut ilinniarsimasuulluni. Nunatsinni tarnip pissusaanik immikkut ilisimasallit 25-it Nuummi sapaatip akunnerata naanerani ukiumoortumik ataatsimiinnerminni, nunatsinni tarnip pissusaannik immikkut ilisimasallit suliaasa inatsiseqannginnerat eqqartorpaat. Tarnip pissusaannik immikkut ilisimasallit nunatsinni peqatigiiffianni siulersuisuini ilaasortap Naja Lyberth-ip inatsisiliornissamik kissaateqarnertik imatut nassuiarpaa :
Tassa massakkut nunatsinni psykoliginit inatsiseqanngitsilluta kikkuullunniit psykologitut taagorsinnaatitaapput, soorlu naammassineqanngitsut psykologitut allatulluunniit psykologit suliaannik sulisinnaatitaapput, taamaattumik pitsaassussaat assigiinngitsorujussuusinnaaput, soorlu innuttaasunut eqqorneqarsinnaallutik, soorlu pitsaanngitsumik sulisoqarsinnaagami. Aappassaanik innuttaasut illersorniarlutigik, inatsiseqanngitsilluta nunatsinni psykologitut sulisut naammagittaaliuutigineqarsinnaannginnamik, soorlu psykologitut sulinerlukkutta naammagittaaliorfissaqanngilllat innuttaasut nunatsinni, soorlu Danmarkimi periarfissaqarput, kikkulluunniit psykolognævni aqqutigalugu...soorlu naammagittaalliussallutik ...kisianni inatsiseqalerutta nunatsinni innuttaasut illersorneqarsinnaapput aamma iluamik ilinniarluarsimasut sulinissaat qulakkeerneqarsinnaassagaluarpoq inatsiseqalertuugutta.
Tarnip pissusaanik immikkut ilisimasallit nunatsinni inatsisiliuunneqarnissaat ‘90-ikkut naalernerannili politikerinut piumasarineqarsimagaluarpoq, oqarfigineqarsimappulli suliassaqarpallaarneq pissutigalugu aatsaat ukioq 2012-imi inatsisiliuunneqarsinnaasut.
