Avannaani qaleralittassat amerlassussaat saqqummiuneqarput
Skrevet af Jaaku Lyberth
02. marts 2007 08:47
Sinerissap qanittuani avannaani qaleralittassat amerlassusissai marsip ulluisa aallaqqaataa aallarnerfigalugu aalajangerneqarsimasut, naalakkersuisumit Finn Karlsenimit saqqummiunneqarput.
Pisassiissutinik naalakkersuisut aalajangersaaneranni biologit siunnersuutaat malinniarneqarsimapput, pisassiinerillu ukiut siuliinut naleqqiullugit allannguuteqanngillat, erseqqissaatigineqarporli Qeqertarsuup Tunuani qaleralinnik pisassiineq amerleriarfiussanngitsoq.
Qaleralinnik pisassiineq ima isikkoqarpoq:
Qeqertarsuup Tunua: 12.500 tonsit
Uummannaq: 5000 tonsit.
Upernavik: aamma 5000 tonsit.
Kalaalit Nunaata sinnerani pisassiissutit killeqanngillat.
