GEUS pillugu inatsit sukatertinniarneqarpoq

Nunap pissusaanik misissueqqaarnerni paasissutissat piginnittussaaffiginissaat danskit naalakkersuisuisa annertusiniarpaat. Avatangiisit pillugit ministeri, Connie Hedegaard, inatsisissamik ullumi siunnersuuteqassaaq. Inatsisip qularnaassavaa nunap pissusaanik Danmarkimi Kalaallit Nunaannilu misissueqqaarnerit Danmarkip akisussaaffigissagai. Danmarkimi Kalaallit Nunaannilu ujarassiuutut misissuiffik, GEUS, pillugu inatsit sukatertinniarneqarpoq. Inatsisip atuutilerneqarneratigut qularnaarniarneqarpoq, nunap assinganik paasissutissat, ujaqqat sananeqaataasa allattorneqarfiata, GEUS-ip ataanilernissaa. Aamma suliassiissutit nalilerneqartarnerat, suliassatut siunnersuutit akuersaarneqartarnerat, inatsit atuutilerpat GEUS-ip ataaniilissapput. -Danmarkip aamma Kalaallit Nunaata ullumikkut siunissamilu nunap ilusaa pillugu paasissutissat ataqatigiissut pisariaqartippaat. Suliassanik suliarinninneq, nunamik atorluaaneq aamma nunap pisuussutaanik illersuinissaq, pinngortitallu illersorneqarnissaa pisariaqarput, siunnersuummini, Folketingimi ullumi siullermeerneqartussami, Connie Hedegaard allappoq.