Niviarsiaqqat qatanngutigiit ajunaartut
Guatemaalap illoqarfiisa pingaarnersaanni Guatemala City-imi nunap sisoornerata kingunerisaanik nuna putummat niviarsiaqqat qatanngutigiit nakkarlutik ajunaarput.
Qaammatip kingulliup ingerlanerani ajunaarfiusup nalaani nuna sajullattaasimavoq qannguluppaluttarsimallunilu, najuqaqartullu tuparujussuarsimapput eqqaminni nuna ammaneqalermat hundrede miiterinik ititigisumik. Angerlarsimaffiit qulit missaanniittut nunap sisoornerata kingunerisaanik ammaneranut millugussaasimapput, najugaqartullu tusintit missaaniittut qimarngussorneqarsimapput, Politiken ullumi taamatut allaaserisaqarpoq.
Piffissami kingullermi siallerujussuartarsimanera pissutaalluni nunap iluani ammaneqalersimassangatinneqarpoq, nakkaattoqaqqinnissaalu pisortat ernummatigaat. Nunap iluanit tipersuaq naamaneqarsinnaasimavoq, naqqanilu kuuppaluk tusaaneqarsinnaasimalluni.
Nakkaaffiusup aalajaatsunngornissaa utaqqisariaqassavarput, ajutoornerup annertussusia nalilersorniarutsigu, annaassiniarnernermi aqutsisoq Alvaro Roda, nutaaarsiassaqartitsivimmut AP-imut oqarsimavoq.
Alvaro ilanngullugu oqaluttuarsimavoq, ajunaarfiusoq oqartussaasunit misissorneqassamaarsimagaluartoq, tamannali sioqqulugu ajunaarneq pisimalluni.
