Danmarkimi aput ajornartorsiortitsivoq
Danmarkimi aput suli ajornartorsiortitsivoq. Qimuttuitsuni ilaasut 20-t DSB-milu sulisut pingasut Jyllandimi illoqarfeeqqap Hørdumip eqqaani appussaaqqapput, unnuarlu naallugu qimuttuitsuniiginnartariaqarsimallutik.
Apisimanera pissutigalugu qimuttuitsut sisamanngornerup unnuaani unittuuissimapput, Qimuttuitsut allat appussaasimasunik aallertut takkummata ilaasut sulisullu nuunneqarput qimuttuitsullu unittarfiannut ingerlanneqarsimagaluarlutik. Qimuttuitsulli taakku kilometerit marluunngitsulluunniit ingerlaareerlutik unittuuissimapput, inuillu qimuttuitsuni unnuisariaqarsimallutik.
Qimuttuitsunik ingerlatsisoq Kirsten Bonde Ritzau-imut taama oqarpoq.
Danmarkimi nalunaaqutaq malillugu ullaap tungaani qulinngulersoq qimuttuitsut taakku suli ingerlariarsinnaaqqasimanngillat, ilaasulli ajunngitsut, qimuttuitsullu kiassarneqarsinnaasimasoq, ingerlatsisoq oqarpoq.
