Sisimiuni kollegiessaq torrallataq
21. februar 2007 07:32
Sisimiuni ARTEK-imi ingenørinngorniat ineqarfissaat pillugu unammisitsinermi titartaasarfik ”tnt Nuuk” ajugaavoq. Ilinniartunut ineqarfik ajugaassutigineqartoq qisummik sanaajussaaq ammalortuussalluni aneerasaartarfeqassalluni kaajalugisaqassallunilu.
Ilinniartunut ineqarfissaq ungasinngitsukkut sanallugu aallartinneqassaaq, aappaagulu aggustimi iserterfigineqarnissaminut piareereersimasussaalluni. Illu sanaartugassaq seqinermit nukik atorlugu kiassarneqartussaavoq.
Ilinniartut ineqarfissaat ammalortoq taanna atserneqartussaassaaq. Atsiinissamullu aamma unammisitsineqassaaq atsiilluarnerpaaq 5000 koruuninik akissarsitinneqassasoq, Sisimiuni aviisi Sivdlek taama allaaserinnippoq.
