Savalimmiormiut kilisaataaterujussuat Atlantic Navigator ippassaq unnukkut Savalimmiut qeqertaasa avannarliit eqqaanni usinik ulikkaarluni talikkiartortilluni ikkarlissimasoq Danmarks radiomit oqaluttuarineqarpoq.
Umiarsuulli inuttai 90-isut ajoqusersimanngitsut oqaatigineqarpoq. Taakkuli tamarmik umiatsiamik gummibådinillu nunamut ikaassorneqareersimapput.
Kilisaassuaq 1900 tonsinik aalisakkanik useqarluni sooq ikkarlissimanersoq ilisimaneqanngilaq.
Savalimmiunili radiokkut oqaluttuarineqarsimavoq kilisaat tamannguaarsortillugu aqussinnaajunnaartoorneqarsimasoq.
Maannalu umiarsuup alapernaarsuutip ikkarlittoq illikartinniarsarigaa oqaatigineqarpoq.