Siriuspatrulje Daneborgimiit Tunumi pinngortitamik eqqissisimatitsivimmukassallutik sapaatip akunnera kingulleq aallarput.
Qimussit arfiniliupput, taakkunannga marluk kujammut ingerlaartussaapput. Oqaatigineqarpoq tappavani 14-inik issittoq, 250 kilometerilugooq ingerlavigereeraat.
Ingerlaartut oqarasuaatikkut oqaluttuaraat sapaatip-akunnerani ingerlaarnerminni qanoq pisoqarsimanersoq. Ilaatigut oqaluttuarput qimmitik ajornartorsiutigilaarsimagitik, qimmii marluk nuliusimapput sinnerilu aamma tapullutik ilaaqqussimallutik.
- Qimmit marluk nuliulermata sinneri tamarmik silaarutiivikkaluarput. Qimmivut taamaaligaangata eqqissisartariaqartarpavut.
- Unnuakkut miagguuginnaleraangata, arnaviaq tupermut eqquttariaqartarparput angutiviaq sorleq nuliuffigissaneraa uagut aquttariaqartaratsigu kinguaassinissaa pillugu. Arnaviarli anillattorlu tamarsuarmik aamma miaggooqqilertarput.
Nipaa Kangilinnguani sakkutooqarfimmeersuuvoq taakku immiussaq qaammataasaq aqqusaarlugu oqarasuaatikkut immiussaq atorpaat.