Folketingimi allaffissornermut tunngasuni atorfilik, sulinermi nalaani ikiaroornartumik kokain-imik tigummiaqarsimasutut unnerluutigineqarpoq. Sulisorlu nassuersimavoq kokain-imik sulitilluni nassarsimalluni
Folketingimi allaffissornermik sulisoq ikiaroornartunik tigummiaqarsimasutut unnerluutigineqarpoq, tamannalu ajuusaarnartuusoq, folketingimi siulittaasoq Christian Mejdahl oqarpoq.
- Neriuppunga taamatut pisoqaqqissanngitsoq, sulisorlu pineqartoq suliffimminit tunuartinneqarpoq, Christian Mejdahl naggasiilluni taama oqarpoq.
Ukioq kingulleq aviisi BT folketingimi anartarfinni misiliilluni misissuimmat, paasineqarpoq folketingimi anartarfinni 30-iusuni anartarfinni pingasuni kokain-imik atuisoqartartoq.
Folketingimi sulinermi imigassaq pillugu malittarisassaqarpoq, maannakkullu aamma ikiaroornartumik atuisarneq pillugu malittarisaqalernissaq anguniarneqalersoq, folketingimi sulisoqarnermut pisortaq John Baastrup oqarpoq.
Maannakkullu sulisut arlaqalersut ikiaroornartoq pillugu unnerluutigineqartut ikiorniarlugit health care-mik taallugu ikiorsiisartunut innersuunneqarput.