Assammik arsartartut nunarsuaq tamakkerlugu ajugaanniullutik unammineranni, kalaallit arsartartuat Angutimmarik Kreutzmann, unamminerni isaatitsinerpaasimasutut inissisimagallarpoq. Taama nalunaarpoq, Nunatsinni assammik arsartartut kattuffiat.
Angutimmarik isaatitsinerpaatut inissisimalluni katillugit isertitsinerit 34-it angusimavai.
Kalaallit Nunaanneersoq Jakob Larsen, aamma isaatitsinerpaat akornanniippoq. Taanna isaatitsinerpaanut normu 12-itut inissisimavoq, katillugu 23-nik isaatitsisimammat.
Assammik arsarluni ileqqorissaarnerpaat akornanni allattukkani kalaallit nunaat aamma ilaavoq. Kalaallit nunaat ileqqorissaarnerpaatut inissisimanera normu 5-iuvoq, Danmark normu 4-aalluni.
Kalaallit assammik arsartartui ullumi sisamanngornermi unamminissaat aamma kinguartippoq. Pilersaarutaasimagaluarpoq unammineq nal.10.00 aallartissasoq. Unamminerli aatsaat aallartissaaq nalunaaqutaq 14.30. TV-kkulli aallakaatitsineq aallartissaaq nalunaaqutaq nal.14.15